El vienres entamaben los actos del DMR’09 nos llocales de la Corriente Sindical d’Izquierda (CSI) na Casa Sindical de Xixón coles Xornaes Internacionalistes, una charra-alderique y la proyeición del vidiu-documental sobre ochobre

Un voceru de Darréu presentó los actos del DMR'09 y lleó’l comunicáu de Darréu sobre la represión del Ayuntamientu Llangréu. Les Xornaes Internacionalistes ocuparon la mayor parte de la xornada. Militantes d’Adiante (Galiza) y Cajei (Països Catalans) presentáronse y desplicaron a los asitentes, qu’enllenaron, la sala la llucha que vienen calteniendo en dellos frentes y estayes.

Una puesta en común de la situación de los movimientos xuveniles independentistes n'Asturies, Galiza y Països Catalans, sobre la represión nestos páises y les estratexes pa combatila, la defensa del territoriu, la simboloxía facista y la llucha escontra la cris, dieron pasu a la segunda parte de les xornaes que foi d’alderique énte los presentes y d'entrugues a les diferentes organizaciones, lo que vieno a completar les intervenciones anteriores de les trés organizaciones xuveniles revolucionaries y facer l’actividá participativa.

 
Dempués d’un descansu, Daniel Cueli dio una breve charra de calter históricu sobre la revolución del 34 resaltanado que fexo d’introducción al vidiu documental fechu por Darréu que se proyeutó a continuación.

A les 22:30 hores, más de mediu centenar de persones participaron na espicha en L’Ayalaga Llar d’Andecha zarrando los actos del vienres del Día de la Mocedá revolucionario.