HIPÓCRITES QUE N’OTRES OCASIONES RECLAMABEN NUN MEZCLAR POLÍTICA Y DEPORTE APROVECHEN PA ESPARDER LA SO PROPAGANDA

Dende Darréu queremos asoleyar l’ascu y vergoña a partes iguales que sintimos ente les celebraciones de la victoria del campeonatu mundial de fútbol sofitaes y remanaes polos poderes fácticos del españolismu más ranciu, que torna a enseñar el focicuestos díes dexando nidiu qu’enxamás marchara d’ente nos.

Asina pudimos ver a los medios de desinformación en bloque, partíos políticos del poder y los elementosmás reaccionarios de la sociedá, celebrar con inmensa gayola como durante’l mundial de fútbol emblemes y tou tipu de propaganda de calter facista entemecíasecon normalidá col restu del merchandising y eslóganes españolistes qu’invadieren Asturies repartíos ente multinacionales, petroleres, periódicos llocales d’herencia facista como La Nueva España y bazares asiáticos qu’aprovecharen pafacer l’Agostu. Les editoriales de la prensa escrita, radio, televisión ymedios dixitales qu’abarquen l’abanicu ideolóxicu que va dende la falsaizquierda del P$OE-IU hasta los grupúsculos d’extrema derecha y neonazis,asoleyaren al unísonu y como una sola voz l’arguyu de sentise españoles, fomentando inclusu nes restrasmisiones deportives l’odiu hacia los nacionalistes ya independentistes de les estremaes naciones del estáu español, especialmente Cataluña y País Vascu.

Darréu y Nora Antifa, entamen nel Llar d'Andecha de Noreña'l primer "Soníos de la Cai" esti sábadu 17 de xunetu a les 18 hores col hip hop de Wanye Argastur, que presenta'l so primer trabayu, Gori Aka el Titan y MNR Crew y el debú d'IRA HXC, banda nueva de hardcore n'asturianu.

Como ye vezu, la mocedá independentista asturiana va participar nel Rebrot, l'alcuentru de los xóvenes de los Paisos Catalans, que se cellebra en Berga los prósimos díes 15,16,17y 18 de xunetu, gracies al convite de los compañeros y compañeres de Maulets, qu'entamen l'eventu. Asina, una delegación de DARREU va participar nel Rebrot 2010 xunta compañeros y compañeres d'otres delegaciones internacionales, bon momentu pa siguir afondando nes rellaciones internacionales tanto con Maulets como con otres organizaciones

Tres finar les obres de remocique presentamos una versión nueva de DARREU.ORG, el mediu dixital oficial d'espresión de DARREU. Tamos en periodu de prebes y estos díes que vamos siguir rematando la páxina ye posible que de dalgún erru de xemes en cuandu.

De momentu, puen vese yá un bon garrapiellu de semeyes de Darréu na galería y dalgunos videos. Na seición Actualidá atópense los últimos comunicaos, convocatories y actividaes.

El Foru, amás de tener una zona de militancia, tien una estaya abierta a les persones rexistraes na páxina. Darreu.org ufre un serviciu de soscripción via e-mail de les novedaes de la páxina.

Esperamos que vos preste.