La mocedá independentista asturiana va tar presente los díes 1, 2, 3 y 4 d’abril en diferentes actos entamaos n’Euskal Herria.

Ente estos actos puen destacase GAZTEHERRIA, onde tola mocedá vasca organizada en distintos ámbitos axúntase cola mesma consigna: independentzia. Y baxo’l mesmu llema: vive’l suañu, costruye la independencia. La delegación de Darréu tamién participará nel Aberri Eguna xunitariu ente Irún y Hendaya entamáu pola rede de ciudadan@s Independentistak.

Dende Darréu, mocedá independentista d’Asturies queremos amosar la nuesa solidaridá pa cola Asamblea de Mocedá Independentista (AMI) que vien de sufrir otra vegada más la represión per parte del estáu español. Nesta ocasión tienen que ver comu piesllen la so güeb por espublizar nella un vídeu sobre la defensa de la so llingua y escontra’l billingüismu ('Vilinguismo').

Con esti vídeu AMI denunciaba cenciellamente una realidá, cola escusa del billingüismu tan imponiendo entá más l’español, llingua que la Costitución española obliga a conocer y que los poderes políticu, económicu y social d’España encárguense de facer hexemónica. Nos caberos tiempos esta organización d’ independentistes galegos ta sufriendo una persecución política y policial permanente por parte l’estáu español.

Llega la primavera y con ella la sidre nuevo. Nestes feches les espiches son dalgo xeneralizao pel país y parte del calendariu cultural estacional Asturianu. Darréu, cola collaboración de la asociación cultural 'Ensame Sidreru', entama una Espicha nel míticu chigre centenariu 'Chigre Amador" de Santa Bárbola, en La Cruz nel Conceyu Samartín.

EL Chigre va tar abiertu dende les 20:30 hores y fairáse dalguna actividá cultural a cargu del Ensame Sidreru, pa llueu a les 21:45 - 22:00 entamar la cena.

El preciu de la espicha (pinchéu + sidre + parrilla) ye de 20 euros namás colos que sofites l'autoxestión de la nuesa actividá.

Darréu ye una muerganización política asturiana de mocedá, y defínese independentista y d´esquierdes, pretendiendo ser un referente del nacionalismu y l´independentismu coherente, d´esquierdes. Y comu tal, creyemos que nel capitalismu, el ser homanu nun ye más qu´otra de les munches mercancies coles qu´intentar aportar a un rendimientu económicu favorable, llegar a un beneficiu. Y esto agrabase nel fechu, de que, la muyer, amás de sofrir estes explotaciones, ye un coleutivu vulnerable porque sigui padeciendo les consecuencies d´una sociedá patriarcal y machista dafechu.