28-6-2008
De
nueu otra agresión pa cola llingua d´Asturies; y
nesta ocasión na Universidá, el muerganismu que
tien de ser la istitución de los asturianos, u
los mozos y moces seyan los protagonistes de la
so educación ya desendolque presonal y académicu.
Una enmienda inxustificable del profesor de
llingua española Félix Fernández de Castro, y la
so posterior votación dexen fuera del nueu plan
de titulaciones a la llingua asturiana. Una
agresión qu´asoleya el cálter represivu,
retrógradu y anticientíficu d´esta “élite
cultural” (por nomalo de dalguna manera)
enquistada nel más xabaz españolismu; que vegada
tres vegada reaicionen a cualesquier intentu
d´ampliar los drechos de los asturianos y
asturianes. Esto supunxo la dimisión de la
decana Ana María Cano, y l´encierru de dellos
estudiantes nel Rectoráu de la Universidá
d´Uviéu. Énte estos fechos Darréu, la mocedá
revolucionario d´Asturies, posicionase de la
seguiente manera:
1.Amosamos
tola solidariedá posible cola decana
dimisionaria Ana María Cano.
2.Darréu
da-y too´l so sofitu a los mozos y moces
enzarraos, too´l sofitu presonal cumu
militantes, pero tamién comu muerganización a
esti actu de resistencia, dexando ver qu´esto ye
un pasu a la aición no que cinca a la llucha
polos drechos llingüisticos d´Asturies y de la
ciudadanía asturiana na Universidá.
3.Darréu
ta a la escontra del EEES y lo que supón el
Procesu de Bolonia,
porque supón, comu yá espusimos, una
mercantilización de la educación, y de la
Universidá. Too esti procesu ye un pasu p´atrás,
arrequexando a la cultura y a la sociedá
asturiano na marxinación.
4.Puxamos
porque esto nun quede nuna reprimenda haza estos
seutores españoliegos de la Universidá, sinón
que seya una llucha más amplia. Ye dicir, hai de
denunciar la política de represión y acosu a la
llingua asturiana de la FSA, del Gobiernu
Asturianu; de la qu´estos fechos formen parte
tamién. Torgando una y otra vegada l´intentu de
la sociedá asturiano de camudar l´estáu
predemocráticu qu´hai n´Asturies. Tamién hai de
denunciar la hipocresía de IU, que nun lluchó
pola oficialidá cuandu taba nel Gobiernu, y que
sólu mos utiliza a los asturianos y asturianes
pa siguir tando dientro del texíu social que ta
alrodiu de la llucha pola oficialidá, pa sacar
rendimientu políticu d´una llucha mui digna,
polos drechos civiles. Responsabilizamos a la
clase política española n´Asturies de la
situación llaceriosa del asturianu, no que
drechos supón, na Universidá y sociedá en
xeneral.
Con
too y con ello, Darréu vindica una Universidá
nidiamente asturiana y popular, na que
los ciudadanos seyamos el cientru de la mesma.
Pidimos que´l rector de la Universidá, Vicente
Gotor, que tan bones pallabres dixo sobro
ameyorar la situación de l´asturianu mentantu
les elleiciones, pieslle esti capítulu escuru de
la Universidá d´Uviéu. Vicente Gotor debe
tomar una decisión que favorezca a la sociedá
asturiano.
Pidimos la dimisión de Ana Rosa Migoya,
la conseyera d'Alministraciones Públiques, por
facer oidos sordos y nun pronunciase nestos
momentos difíciles. Así comu responsabilidaes
a la administración española del PSOE n´Asturies
pola situación de los drechos de los asturianos,
tantu na Universidá, comu a pie de cai; yá que
nun faen más que torgar una otra vegada los
enfotos del pueblu asturianu por algamar la
oficialidá, pa que´l pueblu asturianu pueda
caleyar haza´l pais que mos quitaron fai tiempu.
MARCHA MONTAÑERA DE MOCEDÁ
Baxo’l llema "Independencia y
Socialismu" un grupu de militantes de Darréu
xuntose pa facer esti pasáu sabadu 19 d’abril lo
que la organización política xuvenil nomó "I
Marcha Montañera de Mocedá".
Na mesma, participaron mozos y
moces de los conceyos de Ribeseya, Villaviciosa,
Xixón, Uviéu, Llaviana, Samartín del Rei Aureliu,
Noreña, Sieru y Llangréu.
La
marcha entamó a les 11h. en Vil.lar de Vildas (Conceyu
Somiéu) y dende ehí la mocedá de Darréu xubió a
la braña La Pornacal y a Braña Viel.la. onde se
ficieron dos talleres de formación.
Pesia’l mal tiempu con friu,
lluvia y ñeve l’actividá desendolcóse dientru lo
previsto, el bus garróse de torna a les 20:00h.
y tolos asistentes ficieron una valoración
perpositiva de la mesma.
MARCHA MONTAÑERA DE MOCEDÁ
La "Marcha
montañera de Mocedá" en Somiedu (Vil.lar de
Vildas - Braña La Pornacal - Braña Viel.la)
Darréu
entama el prósimu día 19 d'abril (sábadu) una
marcha montañera nel Conceyu Somiéu. Pa
l'actvidá deportiva Darréu pon autocar y el
preciu d'ida y vuelta ye de 10 € y tien salida
dende La Pola Llaviana, Sotrondiu, L'Entregu,
Sama, La Felguera, Noreña, Xixón y Uviéu.
La inscrición a
l'actividá pue facese mandando un corréu
lleutrónicu a
info@darreu.orgEsta direición
elleutrónica ta curiada escontra spam bots.
Precisa activase JavaScript para vela
o llamando al telefonu 661096487. Les
places son llimitaes
Los horarios
del bus nes distintes paraes son:
La Pola
Llaviana (estación autobuses): 7.00
Sotrondiu
(Hotel La Pará): 7.10
L´Entregu (Bar
El Semáforo): 7.13
Sama
(zapatería ruben): 7.16
La Felguera
(Pizza Movil): 7.20
Noreña (Apeaderu
FEVE): 7.30
Xixón (Pza.
L’Humedal): 8:00
Uviéu (Pza.
America): 8:30
Vil.lar de
Vildas: 10.00
Horariu
Torna: A les 19:00h. de Vil.lar de Vildas.
DARRÉU NEL GAZTE TOPAGUNEA 2008
Una delegación de Darréu participó nel
alcuentru más importante de la mocedá
independentista d’Euskal Herria, esti añu col
llema Etorkizuna Independentzia (El
futuru Independencia), que se cellebró en Lezo (Guipuzcoa)
demientres los díes 21, 22, 23 y 24 de Marzu.
Pesie al mal tiempu, tolos actos pudieron
cellebrase, nestos díes afitáronse les bones
rellaciones col restu d’organizaciones de les
delegaciones internacionales participantes nel
eventu, del Estáu: Paisos Catalans, Castilla,
Cantabria, Andalucía y Galicia; d’Europa:
Sardinia, Italia, Alemaña, Suiza, Finlandia,
Dinamarca, Portugal y Eslovenia; y de fora
d’Europa: Venezuela y Palestina.
La delegación de Darréu punxo’l so puestu de
material y tuvo en diferentes charres y
alderiques: Procesu de costruición europea y los
pueblos: derechu d’autodetermín, Movimientu anti
globalización, Lluches a favor de la vivienda,
Illysu dam: Kurdistan baxo l'agua, ¿Y la mocedá
qué? Kamaradak!!. Amás los independentistes
asturianos tovieron nel actu pa les
delegaciones internacionales con miembros de
Batasuna y Askatasuna, nuna rueda de prensa y
tamién participaron nuna mesa redonda sobro’l movimientu feminista.
Miembros de Darréu tamién participaron na marcha
independentista dende Irún a Hendaia entamada na
conmemoración del Día de la Patria Vasca.
Vidiu del GT'08
Marcha Irún-Hendaia (Aberri Eguna
2008)
PRóSIMES CONVOCATORIES DE DARRÉU
XUNTA NACIONAL:
la prósima Xunta Nacional de la organización va
tener llugar el prósimu 9 de marzu, sábadu, nel
Llar d’Andecha de Xixón (c/ Decanu Prendes
Pando, 11, baxu drecha) de magar les 16’00 hores.
Ente los temes a tratar rescampla la preparación
del Conceyu Nacional. Amás, pa esi díi ta
previsto que se pueda repartir yá el tercer
númberu de la revista “Írguite”.
CONCEYU NACIONAL:
el prósimu 29 de marzu, sábadu, nel Llar
d’Andecha de Xixón. Darréu va cellebrar un
Conceyu Nacional perimportante: l’enfotu ye’l de
remocicar los Estatutos de la organización y
escoyer a los nuevos miembros de la Xunta
Executiva. Ye enforma necesario que tolos
militantes que quieran asistir tean al día de
les correspondientes cuotes d’afiliación.
MARCHA MONTAÑERA:
la organización ta entamando una xornada de
convivencia pa militantes y simpatizantes
consistente nuna marcha pel monte. La fecha
prevista ye la del prósimu 19 d’abril, sábadu, y
el llugar el conceyu Somiéu, siendo la ruta
Vil.lar de Vildas - Braña La Pornacal - Braña
Viel.la - Vil.lar de Vildas. Los interesaos en
dir pueden apuntase yá unviando un corréu
lletrónicu a info@darreu.org.
TARÉMOS NEL GAZTE TOPAGUNEA 08
Un
añu más Darréu foi la única organización xuvenil
d’Asturies convidada a participar nel
Gazte
Topagunea 08, l’alcuentru añal más
importante de la mocedá independentista d’Euskal
Herria. Esti añu cellébrase na llocalidá de Lezo
(Guipuzkoa) y ellí tará una delegación de nueso,
que podrá participar nel garrapiellu
d’actividaes entamaes a lo llargo de los cuatru
díes que dura’l GT’08 (del vienres 21 al llunes
24 de marzu) y afondar nos llazos d’amistanza y
collaboración que mos xunen al restu de
compañeros y compañeres convidaos d’otros
países.Darréu va participar na Xornada
Internacionalista que ta organizada dientro los
actos del GT'08 y na que participaran
delegaciones de mocedá d'abondos paises del
mundu.
CALENDARIOS DE 2008
MANI
ANTIFACISTA 17 payares
Unes 1.200 persones na
convocatoria de la Coordinadora Antifacista
d'Asturies que sofitamos Darréu y Andecha Astur.
La mani ta dientro los actos antifacistes de
payares coincidiendo col 20-p y nel quee se
homanxeó al compañeru antifacista Carlos,
asesináu en Madrid el día 11 a manes de un
militar español nazi.
08/10/07 El Día la Mocedá
Revolucionario 2007 foi tou un situ de parcipación. Nun
tardando tendreis un especial sobro'l DMR'07.
XORNADA INTERNACIONALISTA
VIERNES 5 A LES 19:00 HORES NA CASA SINDICAL DE XIXÓN
05/10/07 Güei vienres 5, a les 19:00 hores van entamar los actos del DMR'07 con una xornada internacionalista en Xixón na Casa Sindical (cai Sanz Crespo). Na Xornada van participar delegaciones de distintos países y va tratar de la represión de la mocedá revolucionario. La xornada va zarrase con una espicha. Les delegaciones internacionales van participar nos actos del día 6 en La Felguera.
DISCU "ASTURIES NUN ESCAEZ"
Un
discu recopilatoriu ye la novedá más importante del DMR’07
. 03/10/07 Baxo’l titulu de “Asturies nun escaez. 1934-2007”
Darréu xunta a tolos grupos que participaron fasta agora nos
conciertos Asturies Nun Escaez organizaos primero por Andecha
Mocedá y dempués por Darréu. 20 grupos completen 80 minutos de
musica con temes cedíos de. 13 grupos asturianos ( Escuela de
Odio, Mala Reputación, Skontra, Avientu, N’arba, K-Nalón,
Dixebra, Intolerante, Oi! N’Ast, Skama la Rede, Testimoniu la
Viztima, Sendero Luminoso, La Tarrancha) y de 7 grupos punteros
d’otros paises (Habeas Corpus, Betagarri, Skalariak, Koma,
Etsaiak, Sociedad Alkholika y Obrint Pas). Colos 20 grupos de
les 6 ediciones del “Asturies nun escaez” entamáu en 2000 por
Andecha Mocedá recopilase la historia d’esti conciertu fasta
anguaño. Pero’l discu “Asturies nun escaez” trae 21 temes,
abre’l disco un tema inéditu, inda nun asoleyáu en dengún disco,
n’esclusiva d’Escuela de Odio qu’abre’l compilatoriu “Los de
Siempre”. Esti compilatoriu del DMR’07 con tolos grupos
participantes nel “Asturies nun escaez” va tener un preciu
especial mientres los actos del Día de la Mocedá Revolucionario.
Van ser namái que 5 € polos que te vas poder facer con esti
compilatoriu d’edición llimitada. Va ser una bona oportunidá yá
que tres que fine’l VI Conciertu “Asturies nun escaez” van ser
10€.
UEB DEL DIA LA MOCEDÁ REVOLUCIONARIO 2007
Tola
información del DMR. 26/09/07
Yá t'activa la ueb del DMR'07 onde
podeis alcontrar información sobre tolos actos entamaos por
Darréu pa esti día (xornada internacionalista, conciertu , mani,...)
KOMA Y HABEAS CORPUSVAN SER LOS GRUPOS FORIATOS DEL
FESTIVAL DMR'07
Xunta
los asturianos Skontra y Escuela de Odio.
14/09/07Los pernomaos
Koma d'Euskal Herria que va estrenar discu nuevu a
finales de setiembre (Sakeo) y los tamién perconocíos
Habeas Corpus de Castiella xunta los asturianos
Skontra y Escuela de Odio
conformen el cartelu d'esti añu de la VI Edición del conciertu"Asturies nun escaez" conmemorativu de la revolución
asturiana de 1934. Más noticies nun tardando.
Indiz
La
marcha entamó a les 11h. en Vil.lar de Vildas (Conceyu
Somiéu) y dende ehí la mocedá de Darréu xubió a
la braña La Pornacal y a Braña Viel.la. onde se
ficieron dos talleres de formación. 
Un
añu más Darréu foi la única organización xuvenil
d’Asturies convidada a participar nel
Xunta
los asturianos Skontra y Escuela de Odio.
